الزرهوني الحبيب لك كل الود والاشواق
الاخت الفاضلة تحية مباركة
ويستمر التواصل
انا الان في القاهرة
.....
ورغم مرارة الواقع
برغم قساوة الأيام
وغصبا" عن عيون الهم
حنتقدم ..
حنوصل يوم ..
أكيد مادام هدفنا عظيم
في ايدنا طموحنا وايمانا
هدفنا ننمي أوطانا
نمد إيدينا نتسالم
ونملا الدنيا حب وسلام
ونبقى القدوه للعالم
نزيلا قساوة الأيام
ونتعلم نكون أقوى
ونتكلم نكون قدوه
ويسمعوا بينا كل الناس
ونصبح للأمم نبراس
نسوقم لي هدانا دوام
طموحنا كبيييير ..
وواقعنا ..
مقيد بالفتور والغم
....
صحي بنحلم ?!
صحيح عايشين بنتوهم ??
....
خلاص يازول تعال نحلم
تعال قوام
وما نحلم ..!!
شنو المانع ؟؟
بداية النهضة بالأحلام
ومانحلم
شنو المانع ؟؟
تثور أحلامنا تتفجر ..
تصير واقع
شنو المانع ؟؟
نكون في النفوس دافع
شنو المانع ؟؟
هداك بدر الأمل طالع
شنو المانع ؟؟
هدااااك نجم الطموح ساطع
شنو المانع ؟؟
يقوم شافع ..
يقيف رافع ..
علم سودانّا في الآفاااااااق
يرفرف القلب خاشع
شنو المانع ؟؟
يجي الأخضر وصوت النيل معاو يجري
شنو المانع ؟؟
يجي الأحمر يعبر عن دماء شهدائنا في كرري
شنو المانع ؟؟
يجي الأسود يأكد لي عزائم راسخة من بدري
شنو المانع ؟؟
يطل بينم كماااااااان لون السلام ناصع
شنو المانع
في يوم باكر ..
يقيف صانع
ينمي بلادنا بي إيمااااااانو
و
في قلبو ..
نور برق اليقين شالع
شنو المانع ؟؟
شنو المانع ؟؟!
شنو المانع ؟؟!
شنو المانع ؟؟!
شنو المانع ؟؟!
-- -- --
هداك حاسنو بقلوبنا
كمان شايفنو بعيونَّا
حلم راااااائع
حيتحقق
واكيييييد حنحققو طموحنا
نبادر نبدأ بي روحنا
نضمد بالدعا جروحنا
نضمد بالتقى جروحنا
نقوي صلتنا بي الله
ونتساءل
عن الماضي الزماااان ولى
عشان ناخد التجارب منو بالجمله
ونتفائل ..
بيوم باكر ..
عشان باكر يكون أحلى
أكيد باكر-بإذن الله-بكون أحلى
أكيد باكر-بإذن الله-بكون أحلى
__________________
الرئيسية