للي جوابه للأسف مثله سؤال
ماهو تفلسف ... الا موقف صار واسمع ثاني بيت
البارح يومه سأل وش ذكرك ذيك اليال
كان الجواب بكل بساطه من متى اصلاً نسيت
ادري بأن جمع الصعوبه والبساطه شي محال
لكنها صارت كذا واللي اهم أني دريت
أن الحياه في بعد احبابك اذا جف الوصال
تعيشها لو تقتنع أنك خلاص اصبحت ميت
ياصاحبي لو كل شي يمر بالخاطر يقال
مكانت العبره تولجني لا منك طريت
شفني قدرت احبس ادموعي بس دمع القاف سال
وياكبرها ساكت ولكن داخل اوراقي بكيت
عمر الحكي مكان دافي لبتدا بقولت تعال
لجلك تجاهل رجفت حروفي لامني حكيت
الحال في بعدك قسم بالله مسميه حال
أنوي على الضحكه واحس كلي خطا لأني نويت
تصور من رحلت اشوفك لجسمي ظلال
لشفته امشي ببتعد وأثره معي مهما مشيت
مدام يعني في بحرك لفرحتي مليون جال
وش فيه موجك ماركد قربت اموت مارسيت
يرضيك معاد تفرق معي اذا جالك مجال
لأني اقتنعت انك نهايه وأني ببطي مابديت
صرت اعقد حجاجي لاجابوك بطراف الجدال
وانا قبل لاقالوا اسمك كني ميت ثم حييت
تعبت اعيش الدور وافتح للمعذير الخيال
واتخيل اني جيت في بالك وانك استحيت
وترد لي كل وله وتقول كن البعد طال
ومن الفرح معاتبك واقول ياخي مابغيت
حتى وانا اتخيل حشمتك لأن قلبي لا يزال
يكرر أسمك داخل أعماقي بنبضه لا سهيت
قلي وش اسوي فيك وانت بداخلي اصدق مثال
للجب وأخساس القصيد ومعانق اليل وسريت
ربي يصبرني على الفرقا مدام الحب مال
وأنتي بيجيلك يوم وتعرف ليه في بعدك شكيت
وأذا بلاك الله وعذبك أشتياقك بس تعال
وأقراء القصايد في غيابك كلبوها بيت بيت
بتدري ان اصعب سؤال اللي يجي رده سؤال
لقلتلي وش ذكرك ثم قلتلك متى نسيت
الرئيسية 
