بدأ يحكي ليّ...
زاد الهموم ..
العندي....
و الوجع العليّ....
قال إنّو شاف الليلة...
من أسوأ كتاب...
ما خلي لي ...
صوف راسو شاب...
مجموعة عايشة...
وسط كلاب....
تاكل من الكوشة...
العقاب...
قشقش عيونو...
من السراب...
لكنو آهـ...
الشافو صح...
ما كان رهاب...
معقولة بس...
ود حوّه...
ود آدم....
يعيش...
هذا العذاب...
قالو له ديله...
مشردين....
يا الله وين ...
المسلمين...
وين حتي ...
يا ناسنا الخلوق...
يا ناس..
امير المؤمنين...
اسبابو ايه...
والناس ضميرها...
الفيها وين...
قالو له ديل...
مرات...
طلاق الوالدين...
واولادها يبقو ...
مشردين...
مرات ...
تقول اولاد زنا...
من زول صحيح ...
ما عندو دين....
مرات دحين....
البيت يكون...
الفيهو ما ممكن ...
يكون...
بيت أسرة...
و الام الحنون...
لا رعاية...
لا ضبط...
للبنون...
و دي بداية...
الخيط للضياع...
و اولادنا...
يدخلو في صراع...
بيناتنا ...
يبقو مشردين...
أفيون سلس....
للبنقو يبقو...
مدخنين...
بنزين تشم...
آخراها...
يصبحو مدمنين...
قال لي كمان...
لو نحن ...
ما سوينا شي...
تفتكرو...ايه..
حايكون صحي...
بيناتنا ...
يصبحو مجرمين...
للمجتمع ...
هم حاقدين....
هو يا خلوق...
يا مسلمين...
الرحمة...
بينا مقسمة...
خلو الوجوه...
متبسمة...
خلونا جد..
الظاهرة دي...
تتمدا ايدنا...
و تحسما..
الرئيسية