++ أنا بيك سعاتي مؤكدة ++
*******
أنا بيك سعاتي مؤكدة وبلاك حياتي منكدة
حرام عليك يا جميل ما صح عليك تعمل كدا
يامن محاسنك بي قلوب عاشقين مستفردة
خليتني أشكو من الغرام وأقول حقائق مفردة
وأقول حبيبي عمل عدوي خلاني لي الأذى و الردا
ما عندي مانع حتى لو ضيعني ساكن الموردة
أنا بي محاسنك بفتخر وانت المحاسن سيدا
يومي الأشوفك يبقى عيد والدنيا تبقى معيدة
البدر إن شافك يزوول من الأنوار الجيدة
أما الشمس لو شافتك ترجع أسيرة مقيدة
أنا طرفي شايفك يا جميل أخد اللجين العسجدة
مهما أعاين في الشباب وين ذي محاسنك أوجدا
قبال أراك أنا كنتا في أيام جميلة مبجدة
متى روحي من بعد العزاب تشفق عليها وتنجدا
بقا عقلي مشغول بي الوصال والكان ديما مهودة
خايفك تحرض يوم لقائي وأيام عزابي تزودا
بالنفرة والجفا والصدود مسلتا غزلان الودا
نفسك على جور والبعاد والعزلة والعوائدة
يامن على حرب العشوق لحظك جيوش مجندة
وقامتك تطيبك كأنها مخلوقة قطر الندى
والحكمة في كونك بخيل وهلك أرابيب الندى
أصلك بتدلل على ولا الحكاية معاندة .!
أصلك بتدلل على ولا الحكاية معاندة .!
__________________
---------------------------------------------------------------------
قطار الشوووق
__________________
قطــــار الشوق متين ترحل تودينا نشوف بلدا حنان اهلها ترسى هنــــاك ترسينا
قطار الشوق ده ليل الغربه فيك ودار متين تسرع متين نكمل المشوار
عشان ما نلقى سيد الناس و نطفي البينا من النار و نشوف عينيه نعسانه و لونو الزاهي كل نضار
نسايم عطبره الحلوه تهدينا و ترسينا نقابل فيها ناس طيبين فراقم كان ببكينا
يا قطار الشوق متين نوصل حبيبنا هناك تلاقينا متين نحضن عويناتو متين يرجع يحيينا
يا قطار الشوق لو تعرف غلاوة الريد كان بدرت في الميعاد وكان جرت عجلاتك و كان قللت ساعاتك و كان حنيت علي مره
يا قطار الشوق ده حبيبنا هناك بنحسب في مسافاتك
__________________
-------------------------------------------------------------------------
دنيا الريد غريبة
__________________
ولقينا في دنيا العيييييييون يا اغلى من النور غنا
سافرنا في دنيا العييييييون يا اصبا من النور غنا
فوق من رشاقة وامسيات باقات انيقة ملونة
الحان طروبة وشوشات أحرف موسيقى ودندنة
مالت قلوبنا عليك حنااااان تسلم عيونك ذوبتنا
انساك انت انت بتتنسي
ما انت روحنا وحبنااااا
سافرنا في عينيك ولسة.. قلوبنا بيك متجننة
طار المسا والكون صبح
عشاق جمال اتاملوا
كل الحروف الفي الخيال بي لهفة جات وما غلوا
حتى القمر حلولو النجوم... اتلفو فيك اتغزلوا
قالوا الجمال يا غالي بيك كانت نهايتو و أولو
نحنا في هواك يا غاااااالي لا.. لا بنطيق بعاد لا بنحملوا
اصلو المحبين الحناااان.. لا بنسوا لا بتحولوا
انسااااااااك.. انت انت بتتنسي
انساااااااااك.. يا غالي انتا بتتنسي
ما انت روحنا وحبنا.. سافرنا في عينيك ولسة.. قلوبنا بيك متجننة
__________________
-------------------------------------------------------------------------
آلمني حنان
ألمني حنان ألمني حنان
يوم قسموك يا هم كتبو عليك اسمي
لو كان روك بالدم يا هم رواك دمي
أنا لو رضيت بالهم ما برضى بي همي
أنا أنا ووب أنا
حفان يا يا أهلي يامن تعزوني
في الدنيا خاب أملي وفي حظي عزوني
أنا لو يحن أجلي أنا لو يتم أجلي وماتبكو هنوني
أنا أنا ووب أنا
يوم السعادة تكون يا ناس تخليني
بين الحياة والموت يا سعادة زوريني
أمروها بي جبروت السعادة ما بتجيني
ألمني حنان ألمني حنان
__________________
--------------------------------------------------------------------
باسم الحب
بإسم الحب بقدم ليك حياتى ومعاها العاطفة النبيلة
عليك ياحب تحياتى
عليك اوقفته غاياتى
لحبى اضحى بحياتى
احب الحب وايامو
وذكرياتو واحلامو
ومايوحيه الهامو
حياة الحب اسميها السعادة بكل معانيها
اقيف ليلاى اغنيها روح ياليل تعال ياليل
احب فى كل اوقاتى الاقى حبيبى يوماتى
اقيف ليهو يقول لى العهود بيناتنا مرعية
اقول ليهو تعال لى حبيب ريدى تعال لى
نجلس جلسة غزلية امتع فيك عينى
اشوفك وانسى آلامى اقول حققته احلامى
على تميل
عليك اميل عشان نميل سوا ياجميل
فيك امعنته نظراتى وجدتك كل مسراتى
وافراحى وملزاتى
احبك وانسى فيك زاتى
حبيبى غرامى تقديسك ويرتاح قلبى بى حديثك
حديثك شفى العليل
وحاتك يالصادق نبيل البيشبه حبى الاصيل
يكون جميل
وانا ياجميل اهوى الجميل يكون جميل
__________________
--------------------------------------------------------------------
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
هواك لازال بواليني ...
خيالك جوه في عيوني..
لكن انت ناسيني ....
وانا الاشواقي ليك زايدين..
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
وليه يا روحي متخاصمين....
بعد ما كنا متحابين...
ياروحي الفراق لمتين...
فراق يومين عليّ سنتين....
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
ياغايب عن عيني....
حصل ايه بينك وبيني....
تجافيني وتعاديني....
وتترك قلبي بين نارين..!!
يــــا غايــــــــب عــــن الــــعـــيــــن ...
أنــــت مــــوجـــــود فــــي عـيـــــنـــي الاتــــنــــــــيـــــن
__________________
-----------------------------------------------------------------------
نسانا حبيبنا مامنظور ينسانا
ده حبيبنا ما منظور ينسانا
حبيبنا سفر ودع ما غشانا
حليلا الاخوه ماقدّر عشانا
**************
نسانا حبيبنا وعارف ريدنا ليهو
عشانو بتبكي قلوبنا ورا رحيلو
سافر بينا لدارو ومقيلو
سافر بينا بدارو ومقيلو
نقول ده سافر ودع ياحليلو
**************
نساهر ونشقى لو ينفع شقانا
تسيل دمعاتنا بشوقها وحنانا
عشان مايطرأ ريدتنا ومنانا
يذكر قلبو أيامنا المعانا
*************
وحات الريده ما بنسالو عشره
ااااه يادنيا نبكي وقالو مره
اتذكرنا عودة طيفنا مره
إذا كان يحليلو عرف الفرقه مره
*************
كيفن يقدر يستحمل قليبو
كيفن يرضى ويستحمل قليبو
الزمن قساه نسى إخلاص حبيبو
يا معذبنا وما قادرين نسيبو
يا مجننا وما قادرين نسيبو
نقول لا بد بكره الشوق يجيبو
************
نقول يا ليـــــــــل ياليـــــــــــــــــل
نقول ياليل لي همي وأسايا
واشهد قلبي ونوح سهري وبلايا
خلاص بريدو ضاع أملي ومنايا
أأأأأه بحبو ضاع أملي ومنايا
ياناس بريدو ضاع أملي ورجايا
بقيت وحيد نجوم الليل عزايا
*************
نسانا حبيبنا مامنظور ينسانا
ده حبيبنا ما منظور ينسانا
حبيبنا سفر ودع ما غشانا
حليلا الاخوه ماقدّر عشانا
__________________
------------------------------------------------------------
الريده خوه
جيت تقول الريده خوه آه
جيت تقول الريده خوه بعد ما خلخلت قلبي و فيني ما خليت مُرُوَه
خوه ايه بتبكي سيدا و خوه بتسهر ليالي الاّ دي الخوه الجديده
و الكلام القلنا سوا بي دموع الشوق كتبتوا
و الزمن شن فينا سوا ؟؟
انت ما زولي العرفتو و الوداد
ما بدورلو قوه
و البفوز بي هواك بختو
جيت تقول الريده خوه آه
جيت تقول الريده خوه بعد ما خلخلت قلبي و فيني ما خليت مره
__________________
----------------------------------------------------------------------
المشــــــــــكلة
الروح تروح ما مشكلة ..
تزيد جروحى علي جروح ما مشكلة ..
ينسى الفراش عطر الربيع ما مشكلة ..
ينسى الوديع صوت الوديع ما مشكلة ..
الشاري لو فكر يبيع لو ضاعت الاعمار تضيع ما مشكلة ..
لاتبين شمس لايهل قمر ما مشكلة ..
يبقى السحاب من غير مطر ما مشكلة ..
يرموني في نص البحر تجيبو لي الناس خبر ما مشكلة ..
لو هز صمت الليل برق ما مشكلة ..
والقاش رحل خلا الشرق ما مشكلة ..
لو عمري بالشوق يحترق لو رحت ما جبت الفرق ما مشكلة ..
الدنيا تبقى بدون جليس ما مشكلة ..
تبقى الليالي بدون ونيس ما مشكلة ..
وتنسى ليلى حبيبا قيس ما مشكلة ..
وتنسى العروس اسم العريس ما مشكلة ..
المشكلة
ريدتك بقت هى المشكلة
ادينى حل للمشكلة ..!
__________________
---------------------------------------------------------------
خســـــــــاره
خسارة يا قلبي الحزين هجروك احباب السنين
من غير سبب ظلموا الغرام الكان حلو و الكان أمين
يقولوا عننا ظالمين يا حليلنا حليلنا إحنا المخلصين
خســـــارة يا لحني الفريد جرحي المنور كل ليــل
وااحــــاري من هجر البريدو ولهفت الزول البــــريـد
أبكيــــك و وين القى الدموع يـا ريتا من بعدك تطــيب
يـــا قلبي إنت الفي هــواك دايما وفي و دايـما أميـن
أشقــــاك احب الناس اليك رغم الحنين الطال سنين
يا قلبي ســـامح في المحبه في الدنيا ما في محبتين
و القالوا ليك عن الفراق إنشااللـــه يوم ما تشوفوا عينك
__________________
------------------------------------------------------------------------
واحـــــشــــنــــي
واحـشني يـا الـخليت ملامحك
فــــــي حــيــاتـي ،
واحـشني يـا الرسيت مراسيك..
جــــــوة ذاتـــــي ،
الا بــاكـر لـمـا تـرجـع،
أنـا بـحكي لـيك عن الحصل ،
وعــن بـعد الـمسافة وقـربها
ولـمـن يـفـارق زول عـيون
غاليات عليهو كتير خلاص وبحبها
والله أحـــكــام يــاقــدر
والله أحـكام يـا مـسافة ويا سفر
وأنـت لـما بـتسيبني وتـسافر
خـــت فــي إعـتـبارك ،
إنــو دنـيـاي فـي مـدارك ،
وجـد لـفافات الـصبر دخنتها
وكـل المقاطع في غناي طوعتها
وغــريــبـة غــنــت ،
فـــــرحـــــة..لا..لا
غـــــربـــــة..لا..لا
تـقـصد شـنـو مـا عـرفتها
وأهـــــي تــجــربـة..
خـطـيـرة جد وأجـتـزتـها
ولـــســه واحــشــنـي ......
.................................................. .............................
سالب فؤادي و ما عليك
انا في جحيم مستاق اليك
يا من احبك و اصطفيك
انا لي روح مفتونه بيك
حلم الربيع من منظرك
و اسحر لكل من ينظرك
يا اسمى ايات الوجود
كل الخلوق تتشابه ليك
كل الجمال وهبوه ليك
وجعلو السحر في مغلتيك
خلقوك آيه من الجمال
رقه و رشاقه وطيب خصال
يا من بحبك اكتفيت
مقتول هواك
والجرحوني سهام عينيك
اتمنا امثل بين اديك
و تسالني عن اعجابي بيك
تلقاني مخلص في هواك
لم اوهب الحب لسواك
يا نور حياتي و دنيتي
ظلموي بلقالوهو ليك
ظلموني بلقالوهو ليك
ياحبيبي بالجابوهو ليك
.................................................. ............
لو داير تسيبنا جرب وإنت سيبنا
لو داير تحب حب وأنساهو ريدنا
يوم ترجع تصافي نسامحك يا حبيبنا
*****
يا عايش في دنيا .. من أوهام خيالك
يا تاعب ضميرك .. وما رتيان لحالك
ما تودّر شبابك.. روٌِّق وهديئ بالك
ورفقاً بي قلوبنا .. ورفقاً بشبابك
*****
لو حنيت لقربي .. أو جافيت مزاري
لو فارقت دربك او فارقتو دربي
هواك في دماي جاري
يكبر يبقى قصة أرويها لصغاري
نعيش ونموت عليها ويقولوا غرام مثالي
***
إنت غرامي عارفو .. غرام محراب و راهب
غرامي اخترتو مذهب من أسمى المذاهب
ينوِّر لي طريقي ..ويفتِّح لي مواهبي
أشوف أملي في جزيرة.. وحبك لي قارب
عيش معاي الحب عيش معاي حناني
خليني أنسى سنين عشتهم وحداني
إيه يضرك تسأل يوم علي يا غالي
وإنت وحدك عارف همي عارف حالي
كيف أواصل صبري في الطريق الخالي
كيف بدونك تصبح اليالي ليالي
أنا كنت دايما ً بصبر مهما البعاد أضناني
في قلبي إنت بتكبر تكبر معاك معاني
برجى الأيام وستنى أمالي بين نيراني
والهجر مهما يألم يرجع حنانك تاني
لو كان جفيتني خليتني وحدي برايا
مع ليلي الوحدة والشوق حنينو معايا
.................................................. ...................
من طرف الحبيب...
من طرف الحبيب
جات أغرب رسائل
يحكي عتابه فيها
وقال ناسينه قائل
******
ياما قال حكاوي
ما خطرت ببالي
قال في كل كلمة
إني جفيته سالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أنساك إنت
اكون غدّار وخنته
أسأل عني غيري
واحكم في مصير
ياما تشوف دلائل
******
ياما قال كلام مالي دخل بيه
إني بروح لغيره
بهوى وأصطفيه
إنشاء الله حياتي تفنى
دا لو فكرت فيه
لا لا وألف لا لا
دا حبك عشت بيه
بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل
،،،،،،،،،،،،،،،،،،،
ما بسيبو غرامك رضيان معاك بشقايا
وقت الطريقك يوصل أعرف نهايتة خطايا
وطنا - محجوب شريف
وطنا البإسمك كتبنا ورطنا
أحبك ..
أحبك مكانك صميم الفؤاد
وباسمك اغنى..
تغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
أحبك بتضحك
واحبك عبوس
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك محنك
عميق الدروس
مجيد المهابة
مديد القوام
شبابك تشابك
شديد الزحام
أراهم وراهم غبار الحياه
مداين تعاين
كأمّ العروس
تهلل تكلل جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق اللى ما بودى ليك
وأعاف الصديق اللى ما بهم بيك
معاك انتظارى ولو بالكفاف
وعنك بعيداً أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك
المصدر: منتديات سودان ديجي للأغاني السودانية
يابلدى ياحبوب
عشانك بكاك الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية وتوب
سروال ومركوب
وجبة وسديري
وسيف سكين
يا سمح يا زين
يا وجه مليان غنا
مليان عشق وحنين
يا بنت يادوب
نهيداتا قايمين
شايلين تخا وفي رخا
شايلين بنات وبنين
يا سمح يا زين
يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين
يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق وحنية
ياسمح يا زين
يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا كلمة عربية
يا وشمة زنجية
هذا هو النشيد الوطني لجمهورية السودان
الذي يعزف في كل المناسبات الرسميه
والذي نقف احتراما له عند سماعه
لانه يعبر عن سيادة الدوله
ويقال له السلام الجمهوري
**********************
نحن جند الله جند الوطن
إن دعا داع الفدا لن نخن
نتحدى الموت عند المحن
نشتري المجد بأغلى ثمن
هذه الأرض لنا
فليعش سوداننا علماً بين الأمم
يا بني السودان هذا رمزكم
يحمل العبء ويحمي أرضكم.
انا سوداني انا
mark=00FF66]كل اجزائه لنا وطن اذ نباهي به نفتتن
نتغنى بحسنه ابدا دونه لا يروقنا حسن
حيث كنا حدت بنا ذكر ملؤها الشوق كلنا فدها
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا يني جهدها ولا تهن
تستهين الخطوب عن جلد تلك تنهال وهي تتزن
أيها الناس نحن من نفر عمروا الارض حيث ما قطنوا
يذكر المجد كلما ذكروا وهو يعتز حين يقترن
حكموا العدل في الورى زمنا اترى هل يعود ذا الزمن
ردد الدهر حسن سيرتهم ما بها حطة ولا درن
نزحوا لا ليظلموا احدا لا ولا لااضطهاد من امنوا
وكثيرون في صدورهم تتنزى الاحقاد والاحن
دوحة العرب اصلها كرم والى العرب تنسب الفطن
ايقظ الدهر بينهم فتنا ولكم افنت الورى الفتن
يا بلادا حوت ماثرنا كالفراديس فيضها منن
فجر النيل في اباطحها يكفل العيش وهي تحتضن
رقصت تلكم الرياض له وتثنت غصونها اللدن
وتغنى هزارها فرحا كعشوق حدا به الشجن
حفل الشيب والشباب معا وبتقديسه القمين عنوا
نحن بالروح للسودان فدا فلتدم انت ايها الوطن[/mark]
الفينا مشهودة
الفينا مشهودة عارفانا المكارم انحنا بنقودا
والحارة بنخوضا
الزول بفتخر يباهي بالعندو
نحن اسياد شهامة والكرم جندو
ما في وسطنا واحداً ما انكرب زندو
البعجز يقع بيناتنا بنسندو
الحارة بنخوضا...
ركابين عليهو الناصع أب غرة
نتباشر وقت نلقى الكلام حرة
ما بننفز يمين إن متنا فد مرة
الخواف ما حر منو نتبرا
الحارة بنخوضا..
الفينا مشهودة عارفانا المكارم انحنا بنقودا
والحارة بنخوضا
للجار والصديق عشرتنا تتمنى
بنصون الأمانة السيدا أمنا
المغرور ندوسو ونعدموا الطنة
شافعنا بيرى الموت في الركاب سنة
الرئيسية