اولا انا لست شاعرا ولكني احاول كتابة القصيد عندما تعتريني الاحذان ويهتز الوجدان طربا وشوقا الي ............... فحينها امسك بالقلم واكتب كلمات في صياغها تشبه الشعر
فتخيلو معي فتاة بلون الورد وطيبة اللماء اسمها فلانة لكني سميتها سمراء
علي جبينها شامة تضئ الكون وعلي خديها وجنتين تنسك الدنيا الا انها لا
تستطيع النطق بحرف الراء ولا للحب مكانة في دنياها
الا تستحق هذة الفتاة الشعر
هبت الرياح واتساقط صفق الشجر اليابس ملا الواطة
وقامت امونة لمت الشفع يلعبو سمراء
سمراء يا سمراء مالك بتبكي عايزة ايه
عايزة حبيبي......حبيبك مين
وتمتمت سمراء ماقدرت تقول حبيبا
ومرقت خلت اللعب وفي نومها كانت
تبكي وتنتحب لانها ما بتعرف تحب
مسكينة زي الماعندها قلب
وباكر واصل الشفع سالم يا سالم
مالك بتبكي...عايز ايه
عايز حبيبتي حبيبتك مين
وسالم مابعرف الكضب
لملم السين والميم والراء الهي مابتعرف تنطقها
وقال ليهم حبيبتي سمراء
وناداها بي صوتو الحنين
تعالي ياسمراء افتحي الكراس
تعالي ضوي الكون وابقي للعشاق نبراس
وغني مع الاطفال غني الحرية
واتزكري القليب المساهر الليل سادي وردية
قاصد القمرة والنجوم زخيرة حية
تضرب فيه كانو من صعاليق بني امية
وحالف يصل القمرة حتي لو اصابتو بدل الرصاصة مية
والقمرة غشت النجوم وادت من بريقا كل نجمة هدية
وقالت ليهم ما يصلني حتي لو تموت الثرياء
والمساكين صدقو وراحو فيها ضحية
وكل يوم في تمامهم ناقصين مية وشوية
لانو سالم عزيمتو كانت قوية
وسلاحو ما بندقية
سلاحو نار الشوق البتحرق حشاهو
كل ما الليل يروق
سلاحو سر مكتوم بين امدرمان والخرطوم
والقمرة لمن فقدت كل النجوم وفضلت براها في السما
اشرت لي قالت ليهو تعال
قرب قريب اقعد حداي
اقول ليك سر كاتماهو سنين
وحالفة يمين ما بسلمو الا لي زولا صادق في
العشق زولا امين
وقرب منها وشاف شامتها
وحكت ليه عن سر جمالا وروعتها
سر الوجنة والشامة الفي جبهتا
تاريها غشت سمراء واتبلورت في صورتها
ومن يومها سمراء فقدت الاحساس
وحرمت الحب في دنيتها
كيفن تحب والقمرة شالت شامتها
كيفن تحب والقمرة سرقت وجنتها
وسالم مع القمرة سمع صوت امو هوي
هوي يا سالم يا ولدي ارجع للحقيقة
سيب الخيال واتزكر روميو وجوليت
مش كانو مثال
حصدو شنو من حبهم غير الشقي
والعزاب وروميو مات محروق بالنار
وسالم احتار رجع لطفولتو لعب ترتار
لامي اكياس الحلة جاري وري الدفار
وقالو سالم جن وعقلو طار
سالم ما جن سالم فقد المحنة الفضل راجيها سنين
وليلو اصبح بكي واني ودنيتو صبحت نار
في غابة ابنوس حايطاها جبال
سالم عايش حياتو بدون احلام
سالم ضاع بين الالف واللام
شال طبشير وفات النيل
قعد في الضفة
كتب في الصخرة
حبيتك وما بحب في الدنيا سواك
سمع صوت القمرة يصرخ في عز الليل
انساني وانسي زكرة هواك
انساني وانسي زكرة هواك
انساني وانسي..........
وسالم ما قدر يستحمل لجنة القمرة
سالم نزل النيل
واخر كلام في حياتو كان
بحبك يا سمراء
بحبك يا سمراء
بحبك يا.........
وفجأة هاجت مياة النيل
وارتفع الفيضان
وسالم ماقدر يقاوم الموج
والدوراااااااااااااان
سالم غرق في جوف النيل
لكنو مات عطشان
عطشااااااااااااااااااااااااان
عطشااااااااااااااااان
الرئيسية 
