منتدى تومكو

جمع قصائد
 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخول  

شاطر | 
 

 طولى المعزبنى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
تومكو



عدد المساهمات : 107
نقاط : 59401
تاريخ التسجيل : 24/10/2009
الموقع : الديوم الشرقية _ الخرطوم _ الشودان

مُساهمةموضوع: طولى المعزبنى   الجمعة يناير 08, 2010 4:04 pm

طولي..
طولي يا طول العدو
زي التقول ماطنّي مط
ماشي في الشارع عديل
وعشان طويل
يقولوا بتّاوق بي الحيط
رجليني الطوال
الاتنين شمال
رجليني جايات غلط
الناس رجولا قدُر كِده
تلبس في الجِزم
وأنا رجولي قَدُر كده
ألبس في الشنط!
طولي يا سبب الأذيّة
الناس طولها ميّة سنتي
وإنتَ ألف وخُمسميّةطولي يا طول الهنا
الساعة ديك أظن أمي كانت تفكّر في برج
وبعد شوية جيت أنا
ولادتي كانت متعثّرة
وأظنها في كم سنة
الظاهر كل يوم تطلع 10 متر
ولسّه ما كملتَ أنا
وفي النهاية، يومي الإتولدتَ
شالتني الدهب ختتني في المخدّة
نايم جوّة في الأوضة
ورجليني برّة في البرندة
طولي يا البقيت لي دليل
مما دخلت المدرسة لا قريت أولى لا تانية
دخلت ساته عديل
قعّدوني في آخر كنبه عشان طويل
والشُفّع يقولوا طويل عنقوق
راسك ما فيو طايوق
عشان طويل
لكن نحنا الطوال
حصّلنا القمر في النجوم نتشال
نحنا طوال زي قصر الشباب والأطفال
وزي قاعة الصداقة
والناس القصار ديل، سكن عشوائي
بتشيلن الكرّاكة
الناس تِحت تصلي العشا
وأنا لسه شايف المغربية
طولي يا سبب الوجع
الناس لو دايره تتكلم معاي
إلا في كم وكم حاجة تطلع
أدنقر في الباب أقوم ألقي الباب هنا انقلع
أخش جوّه الأوضة
ألقى العرش ارتفع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طولى المعزبنى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى تومكو :: الفئة الأولى :: المنتدى الأول-
انتقل الى: